“Aló presidente” foi un programa de televisión emitido os Domingos polo “Sistema Nacional de Medios Públicos de Venezuela” dende 1999 ata 2012. Foi un programa directo e sencillo onde o protagonista era o pobo venezolano. O propio Hugo Chávez o describe cómo: “Un canal onde o pobo participa e forma parte dun modo de facer comunicación social en Venezuela”.
“Aló presidente” rompeu as formas tradicionais de facer televisión, xa que estaba grabado fóra de estudio e daba a oportunidade ó pobo de dialogar directamente co presidente, sendo o propio Hugo Chávez o conductor e moderador do programa. “Aló presidente” xiraba en torno a dous grandes eixos: as respostas ós televidentes e a participación de membros do goberno. Por unha parte, os televidentes dialogaban co presidente sobre problemas particulares ou comunitarios, daban opinión, solicitaban axudas sociais, proporcionaban propostas, etc. Por outra banda, o goberno falaba da súa xestión, das alianzas con outros países, explicaban os plans emprendidos, falaban sobre obras comezadas en diferentes sectores (agrícola, enerxético, industrial, educativo, habitacional…). No programa, participaban: ministros, autoridades locales e rexionales, militares, intelectuais, líderes sociais, traballadores, estudantes, mandatarios e invitados internacionais.
O fin do programa tivo lugar en 2012, debido ó delicado estado de saúde de Hugo Chávez.